Portala giriş все шаблоны для dle на сайте newtemplates.ru скачать
 
  • 09:09 – Oğuz şəhərində keçiriləcək şahmat üzrə zona yarışlarında Qəbələ komandası iştirak edəcək 
  • 08:34 – “Elm ağlın çırağıdır” adlı layihəsinə yekun vuruldu-Fotolar 
  • 05:54 – Qəbələ şəhərində avtomobil yollarının əsaslı təmiri üçün 3 milyon manat ayrılıb 
  • 06:55 – Prezident İlham Əliyev Nohurqışlaq-Tüntül-Yengicə avtomobil yolunun əsaslı təmirdən sonra açılışında iştirak edib 
  • 06:52 – Azərbaycan prezidenti “Qafqaz Tufandağ Mountain Resort” otelinin açılışında iştirak edib 

Ulucay Akif"Yad şəhər"-ŞEİRLƏR

Gabalacity.com gənc şair Ulucay Akifin şeirlərini təqdim edir.

“Yad şəhər”

 

Hərdən ayaqlarım sözümə baxmır,
Lazımsız yerlərdə təpik döyürəm.
Mənim heç kəs ilə bir işim olmaz,
Günboyu özümə söyüş söyürəm.

Tuturam yaxamdan, çırpıram yerə
Üzümə tüpürüb çıxıb gedirəm.
Bu ağıl başıma gəlmir ki, yenə
Bir-bir səhvlərimi təkrar edirəm.

Gəzirəm gecələr hey veyil-veyil,
Min bir yalan çıxır hər daş altından.
Bu şəhər deyəsən mənimki deyil,
Götürüb aparın ayaq altından.

*   *    *

“Kənd qızı”

Süsənli, sünbüllü gül qoxusuyla
Oxumaq eşqiylə, elm arzusuyla
Yarımçıq bölünmüş o yuxusuyla
Bir payız səhəri gəldi Bakıya.

Sevinci boluydu, çoxuydu həvəs
Həyəcan doluydu, kəsilmiş nəfəs
Bilirdi gəlməyib Bakıya əbəs
Oxumaq adıyla gəldi Bakıya.

Sünbül hörüklərin açdl kənd qızı,
Yaxa düyməsini açdı kənd qızı.
Elə bil özündən qaşdı kənd qızı.
Axı niyə gəldi o qız Bakıya?

Amma bilmirdi ki, bura kənd deyil
Üzünə hər gülən ona bənd deyil
Acıdı, zəhərdi, bura qənd deyil
Çox heyif, çox nahaq gəldi Bakıya.

*    *   *

Salam,

Bir-iki kəlməyəm mən,

Bir-iki başa düşmədiyin söz.

 

Sənəm mən,

Zəiflərin zəifi, tənhaların tənhası,

Başa düşmədiyin bir cüt göz.

 

Təsəllilərin ən pisi,

Tək ölənlərin növbətisi.

Şeirlərin ən zəifi,

Deyilməyən sözlərin ən güclüsü.

 

Adilərin adisi,

Bəsitlərin bəsiti.

– Bəs deyildi?

– Bəs idi.

  Şərhlər:


Sosial Şəbəkə
  • Facebook
  • Message
  • Twitter
  • Bu gün
  • Çox oxunan
  • Şərh edilən